Qazaxıstan Xarici İşlər Nazirliyi (XİN) davam edən hərbi-siyasi gərginlik və hava məkanının bağlanması fonunda qazaxıstanlılara Yaxın Şərqin bir sıra ölkələrinə səfərlərdən müvəqqəti imtina etməyi tövsiyə edib.

Paraqraf.com Qazaxıstanın XİN-ə istinadən xəbər verir ki, ölkə vətəndaşlarına regionda aktiv hərbi əməliyyatların dayanmasını və vəziyyətin tam normallaşmasını gözləmək tövsiyə olunub.

XİN-də vurğulanıb ki, mövcud vəziyyətlə əlaqədar qazaxıstanlılar Bəhreyn, Misir, İsrail, Yəmən, İordaniya, İraq, İran, Qətər, Səudiyyə Ərəbistanı, Küveyt, Livan, Birləşmiş Ərəb Əmirlikləri, Oman və Suriyaya səfərlərdən çəkinməlidirlər.

Nazirlik həmçinin vətəndaşları dövlət orqanlarının rəsmi məlumatlarını diqqətlə izləməyə və Qazaxıstanın xaricdəki diplomatik nümayəndəliklərinin tövsiyələrini nəzərə almağa çağırıb.

Paraqraf.com 

The post Qazaxıstan XİN ölkə vətəndaşlarını 14 ölkəyə səfərlərdən müvəqqəti çəkinməyə çağırıb appeared first on Paraqraf.com.

The post Qazaxıstan XİN ölkə vətəndaşlarını 14 ölkəyə səfərlərdən müvəqqəti çəkinməyə çağırıb appeared first on Paraqraf.com.

Almaniya kansleri Fridrix Merts bildirib ki, İranda Suriya ssenarisinin təkrarlanmasını istəmir.

Paraqraf.com xəbər verir ki, bu barədə “Bloomberg” məlumat yayıb.

“Biz istəmirik ki, burada (İranda – red.) Suriya ssenarisi təkrarlansın”, – Merts deyib.

Onun sözlərinə görə, İranda uzun çəkən hərbi əməliyyatlar onun parçalanmasına, Avropada yeni miqrasiya böhranına və uzunmüddətli iqtisadi böhrana gətirib çıxara bilər.

Kansler ABŞ və İsrail liderlərini bu ölkənin sabitləşməsi üçün mümkün qədər tez şərait yaratmağa çağırıb.

Merts bildirib ki, hazırda Yaxın Şərqdəki böhranın Almaniya iqtisadiyyatına təsiri minimaldır.

“Lakin əgər bu münaqişə daha uzun çəkərsə və Yaxın Şərqin böyük bir hissəsinə yayılarsa, əlbəttə ki, bu, daha genişmiqyaslı nəticələrə səbəb ola bilər”, – Merts deyib.

Kansler ayrıca bəyanatında Almaniyanın İranın nüvə proqramının məhv edilməsi məqsədini İsrail və ABŞ ilə birlikdə dəstəklədiyini açıq şəkildə bildirib. Bununla belə, o əlavə edib ki, bu, bütün İran dövlətinin dağılmasına gətirib çıxarmamalıdır.

“Sonsuz müharibə bizim maraqlarımıza uyğun deyil”, – o deyib.

Paraqraf.com 

The post Fridrix Merts: Almaniya İranda Suriya ssenarisinin təkrarlanmasını istəmir appeared first on Paraqraf.com.

The post Fridrix Merts: Almaniya İranda Suriya ssenarisinin təkrarlanmasını istəmir appeared first on Paraqraf.com.

Qadın voleybolçular arasında Azərbaycan Yüksək Liqasında XVI tura yekun vurulub.

Paraqraf.com xəbər verir ki, turun son oyun günündə iki görüş baş tutub.

“Turan” Tovuz Olimpiya İdman Kompleksində “Abşeron”u 3:0 (25:14, 25:14, 25:17) hesabı ilə məğlub edib.

“Murov Az Terminal” isə “Azərreyl”ə 1:3 (21:25, 22:25, 25:18, 22:25) hesabı ilə uduzub. Bu qarşılaşma Azərbaycan Voleybol Federasiyasının idman zalında keçirilib.

Paraqraf.com 

The post Qadın voleybolçular arasında Azərbaycan Yüksək Liqasında XVI tur başa çatıb appeared first on Paraqraf.com.

The post Qadın voleybolçular arasında Azərbaycan Yüksək Liqasında XVI tur başa çatıb appeared first on Paraqraf.com.

Pakistanın Azərbaycandakı səfiri Qasım Mohiuddin İrandan pakistanlı vətəndaşların təxliyəsində davam edən köməyə görə Azərbaycana təşəkkür edib.

Paraqraf.com xəbər verir ki, o, bu barədə “X” sosial şəbəkəsində yazıb.

Məlumata görə, səfir Azərbaycan xarici işlər nazirinin müavini Elnur Məmmədovla danışıq aparıb.

“Mən Naxçıvana pilotsuz uçuş aparatlarının zərbələrini qətiyyətlə pisləyən Pakistanın mövqeyini təsdiqlədim. Pakistan Azərbaycanla və zərərçəkmiş vətəndaşlarla həmrəydir. Mən həmçinin Pakistan vətəndaşlarının İrandan təxliyəsində davam edən köməyə görə Azərbaycan Xarici İşlər Nazirliyinə təşəkkür etdim”, – paylaşımda bildirilib.

Paraqraf.com 

The post Pakistan vətəndaşlarının İrandan təxliyəsindəki köməyə görə Azərbaycana təşəkkür edib appeared first on Paraqraf.com.

The post Pakistan vətəndaşlarının İrandan təxliyəsindəki köməyə görə Azərbaycana təşəkkür edib appeared first on Paraqraf.com.

Prezident İlham Əliyevin serbiyalı həmkarı Aleksandar Vuçiç ilə telefon danışığı olub.

Paraqraf.com xəbər verir ki, bu barədə Azərbaycan Prezidentinin Mətbuat Xidməti məlumat yayıb.

Söhbət zamanı Yaxın Şərqdəki mövcud vəziyyət barədə fikir mübadiləsi aparılıb, vəziyyətin daha da gərginləşməsindən narahatlıq ifadə olunub.

Telefon danışığı zamanı İran tərəfindən Naxçıvana qarşı törədilən dron hücumları pislənilib.

Söhbət zamanı Prezident İlham Əliyev Serbiyanın dövlət başçısını ad günü münasibətilə təbrik edib.

Aleksandar Vuçiç göstərilən diqqətə görə Azərbaycan Prezidentinə minnətdarlığını bildirib.

Dövlət başçıları iki ölkə arasında dostluq və strateji tərəfdaşlıq münasibətlərinin inkişafını məmnunluqla vurğulayıb, əməkdaşlığın perspektivlərini müzakirə ediblər.

Paraqraf.com 

The post İlham Əliyev ilə Aleksandar Vuçiç arasında telefon danışığı olub appeared first on Paraqraf.com.

The post İlham Əliyev ilə Aleksandar Vuçiç arasında telefon danışığı olub appeared first on Paraqraf.com.

ABŞ Prezidenti Donald Tramp Kubanın tezliklə çökəcəyini bildirib və Havananın Vaşinqtonla saziş bağlamağa hazır olduğuna əminliyini ifadə edib.

Paraqraf.com xəbər verir ki, Tramp bunu CNN-ə müsahibəsində deyib.

“Kuba tezliklə süqut edəcək, bunun işə (İrana qarşı əməliyyat) aidiyyəti yoxdur, amma Kuba da çökəcək”, – o qeyd edib.

“Onlar sövdələşmə bağlamaq istəyirlər, buna görə də ABŞ dövlət katibi Markonu (Rubio) ora göndərəcəyəm. Hazırda buna köklənmişik. Bizim vaxtımız çoxdur, amma 50 il sonra Kuba hazırdır”, – Tramp vurğulayıb.

Paraqraf.com 

The post Tramp Kubanın tezliklə çökəcəyini bəyan edib appeared first on Paraqraf.com.

The post Tramp Kubanın tezliklə çökəcəyini bəyan edib appeared first on Paraqraf.com.

Türk Dövlətləri Təşkilatı ölkələrinin xarici işlər nazirləri martın 7-də İstanbulda fövqəladə sammit keçirəcəklər.

Paraqraf.com TDT-nin mətbuat xidmətinə istinadən xəbər verir ki, görüş Türkiyənin xarici işlər naziri Hakan Fidanın sədrliyi ilə keçiriləcək.

“İclasda TDT ölkələrinin – Azərbaycan, Qazaxıstan, Qırğızıstan və Özbəkistanın xarici işlər nazirləri, həmçinin baş katib Kubanıçbek Ömuraliyev iştirak edəcəklər. Görüş zamanı əsas diqqət cari beynəlxalq və regional proseslərə, Türk dünyası ölkələri arasında siyasi dialoqun gücləndirilməsinə, institusional əməkdaşlığın genişləndirilməsinə və birgə təşəbbüslərin təşviqinə yönəldiləcək”, – bəyanatda bildirilib.

Təşkilatdan əlavə edilib ki, tərəflər TDT çərçivəsində inteqrasiyanın daha da dərinləşdirilməsi və fəaliyyətin əlaqələndirilməsi üzrə addımları müzakirə edəcəklər.

Paraqraf.com 

The post Sabah İstanbulda TDT XİN Şurasının fövqəladə sammiti keçiriləcək appeared first on Paraqraf.com.

The post Sabah İstanbulda TDT XİN Şurasının fövqəladə sammiti keçiriləcək appeared first on Paraqraf.com.

İran İslam İnqilabı Keşikçiləri Korpusu (SEPAH) ABŞ-nin BƏƏ və Küveytdəki bazalarına endirilən zərbələr barədə məlumat yayıb.

Paraqraf.com xarici mətbuata istinadən xəbər verir ki, SEPAH Fars körfəzindəki iki hərbi bazaya zərbələr endirib.

Hücumların hədəfi BƏƏ-dəki Əl-Dəfra hava bazası və Küveytdəki Əli-Saləm hava bazası olub, hər iki bazada amerikalı hərbçilər yerləşir.

Mümkün dağıntılar və ya itkilər barədə hələlik heç bir ətraflı məlumat verilməyib.

Paraqraf.com 

The post İran ABŞ-nin BƏƏ və Küveytdəki bazalarına zərbələr endirib appeared first on Paraqraf.com.

The post İran ABŞ-nin BƏƏ və Küveytdəki bazalarına zərbələr endirib appeared first on Paraqraf.com.

ABŞ Prezidenti Donald Tramp İrana dini liderin rəhbərlik etməsinə qarşı olmadığını bildirib.

Paraqraf.com xəbər verir ki, o, bu barədə CNN-ə müsahibəsində deyib.

“Bu, kimin seçiləcəyindən asılıdır. Mən dini liderlərin əleyhinə deyiləm. Mən bir çox dini liderlərlə işləyirəm və onlar çox yaxşıdırlar”, – Tramp bildirib.

İranda demokratik quruluşun zəruriliyi ilə bağlı sualı cavablandıran Tramp qeyd edib ki, onun üçün daha vacibi ədalətli və dürüst liderin olmasıdır.

“Mən bunu demək istəyirəm ki, ədalətli və dürüst olan, öz işinin öhdəsindən əla gələn, ABŞ-yə və İsrailə, eləcə də Yaxın Şərqin digər ölkələrinə yaxşı münasibət göstərən lider olmalıdır – onların hamısı bizim tərəfdaşlarımızdır”, – o vurğulayıb.

Tramp həmçinin bildirib ki, prezidentliyi dövründə Yaxın Şərq ölkələri ilə münasibətləri yoluna qoymağa nail olub.

“Mən bütün bu ölkələrlə dostlaşdım. Məhz buna görə də onların hamısı bizi dəstəkləyir. Məndən əvvəl ABŞ BƏƏ və Səudiyyə Ərəbistanı ilə heç danışmırdı. Bayden və Obama (ABŞ-nin keçmiş prezidentləri – red.) Səudiyyə Ərəbistanını, BƏƏ-ni və Qətəri saymırdı”, – o əlavə edib.

Paraqraf.com 

The post Tramp İranda dini liderin hakimiyyətdə olmasını mümkün sayıb appeared first on Paraqraf.com.

The post Tramp İranda dini liderin hakimiyyətdə olmasını mümkün sayıb appeared first on Paraqraf.com.

ABŞ Prezidenti Donald Tramp dünya bazarında neftin qiymətinin artmasından narahat olmadığını bildirib.

Paraqraf.com xəbər verir ki, o, bu barədə CNN-ə müsahibəsində danışıb.

Jurnalistlə söhbət zamanı ABŞ lideri ölkəsinin və İsrailin İrana qarşı əməliyyatını “on ballıq şkala üzrə 15” kimi qiymətləndirib. Bundan əlavə o, neftin qiymətinin artmasından narahat olmadığını bildirib.

“Hər şey qaydasındadır. Bu, uzun çəkməyəcək. Qiymətlər çox tez aşağı düşəcək”, – Tramp deyib və Hörmüz boğazı məsələsini artıq həll etdiyini söyləyib.

“Biz onların donanmasını sıradan çıxardıq. Onlar istədiklərini edə bilmirlər. Vurulan gəmilərin sayı 25-ə çatıb. Təsəvvür edə bilirsiniz? İri gəmilər – 25 gəmi sıradan çıxarılıb”, – o bildirib.

Paraqraf.com 

The post ABŞ lideri neftin bahalaşmasından narahat olmadığını bildirib appeared first on Paraqraf.com.

The post ABŞ lideri neftin bahalaşmasından narahat olmadığını bildirib appeared first on Paraqraf.com.