Azərbaycanla Avropa İttifaqı arasında münasibətlər yeni mərhələyə daxil olur. Avropa İttifaqı Şurasının Prezidenti Antonio Costanın ölkəmizə səfəri, Prezident Ilham Aliyevlə görüşdə səslənən bəyanatlar həm ikitərəfli əlaqələrin inkişafı baxımından, həm də regionda formalaşan yeni geosiyasi reallıqlar fonunda xüsusi əhəmiyyət kəsb edir.
Görüş zamanı verilən əsas mesajlardan biri Azərbaycanla European Union arasında strateji tərəfdaşlığın daha da gücləndirilməsi ilə bağlı oldu. Tərəflər təhlükəsizlik, enerji və nəqliyyat sahələrində əməkdaşlığın genişləndirilməsinin vacibliyini vurğuladılar. Dövlət başçımız bir daha diqqətə çatdırdı ki, bu gün Azərbaycandan qaz alan ölkələrin ümumi sayı 16-ya çatıb. Beləliklə, rəsmi Bakının bir çox ölkələrin enerji təhlükəsizliyində oynadığı rol artır. Brüssel Azərbaycanı həm enerji təchizatçısı, həm də regionda sabitliyin təmin edilməsində mühüm tərəfdaş kimi qiymətləndirir.
Liderlərin səsləndirdiyi bəyanatlar European Unionun Cənubi Qafqazda Azərbaycanla əməkdaşlığa xüsusi önəm verdiyini təsdiqləyir.
Qlobal geosiyasi gərginlik Avropanın enerji və nəqliyyat marşrutlarını şaxələndirməsini şərtləndirir. Bu strategiyada Azərbaycan ən etibarlı tərəfdaş kimi çıxış edir.
Prezident Ilham Aliyevlə A. Koşta arasında keçirilən görüşdə Azərbaycanın Avropanın enerji təhlükəsizliyində oynadığı rol xüsusi vurğulandı. Hazırda Azərbaycan qazı Avropanın bir sıra ölkələrinə ixrac olunur və bu əməkdaşlıq genişlənməkdədir. Bu xüsusda Avropa üçün etibarlı enerji tərəfdaşı olan Azərbaycanın beynəlxalq mövqeləri daha güclənir.
Görüşdə verilən mühüm mesajlardan biri də regionda sülh və sabitliyin təmin edilməsi ilə bağlı idi. Prezident Ilham Aliyev müharibə yaşamış ölkələrin sülhün dəyərini daha yaxşı anladığını vurğulayaraq Cənubi Qafqazda uzunmüddətli sülhün vacibliyini qeyd etdi. Bu isə onu deməyə əsas verir ki, Azərbaycan post-münaqişə mərhələsində regional əməkdaşlığa hazırdır və bu istiqamətdə praktik addımlar atır.
Antonio Costanın səsləndirdiyi fikirlərdən isə aydın oldu ki, European Union da regionda sülh prosesinə maraq göstərir və bu prosesdə iştirak etmək niyyətindədir. Liderlər sabit, qarşılıqlı əlaqəli və inkişaf edən Cənubi Qafqaz kimi ortaq strateji məqsədi bir daha təsdiqlədilər.
A. Koştanın ölkəmizə səfəri bir daha göstərdi ki, Azərbaycan–European Union münasibətləri artıq sırf iqtisadi əməkdaşlıq çərçivəsini aşaraq geosiyasi tərəfdaşlıq səviyyəsinə yüksəlməkdədir. Enerji təhlükəsizliyi, regional sabitlik və nəqliyyat layihələri bu əməkdaşlığın əsas prioritetləridir. Rəsmi Bakı münasibətləri qarşılıqlı hörmət prinsipi üzərində qurub. Bakıda aparılan yüksək səviyyəli müzakirələr Azərbaycanın beynəlxalq arenada artan siyasi çəkisini və Avropa üçün strateji tərəfdaş kimi əhəmiyyətinin daha da gücləndiyini nümayiş etdirir.
Nigar Məmmədova
Millət vəkili
